諗住近近地去台中清境求其玩幾日，點知好好玩 😍 一月尾去氣溫比較低，十度或以下，日日藍天白雲空氣清爽。
民宿無敵山景好靚，不過完全沒有暖氣，是另類體會😅 凌晨四點幾出發睇日出，原來第一站趁未天光去睇星，由海拔二千多米山頂望上天，覺得自己同星星月亮好近。之後駛入太魯閣國家公園，沿途風景超靚，最後看到太陽好似一粒大鑽石從層層雲海之中升起，好讚嘆。不過朝早氣溫跌到去零下四度，腳趾在雪靴入面凍僵，望多兩望都要上返車。
去到先知原來台中清境有「小瑞士」之稱，我去過大瑞士就覺得兩個地方各有各靚，不過清境消費就平好多。記得我之前去瑞士一星期，因為食物太貴，每日只是吃酒店早餐加外面食一餐，好自然就進行斷食，無意中減肥成功。清境就次次埋單都 HKD 300 有找，我們三個人每餐都可以不看價錢隨意叫餸，好感動。
今次是和屋企人去旅行，媽咪在香港長期有敏感咳，去到清境就一聲都沒有咳過，超神奇！返回香港都幾日沒有咳（不過一星期後又咳返），感覺上清境的山區空氣能醫百病，得閒都要再上一上去清下個肺。
清境民宿 - 雲頂渡假山莊
由台中機場搭包車約一個半小時到達，或者搭往返機場與清境的穿梭巴士。
返到香港先知有好多朋友都去過清境，他們說夏天去就會天天下雨；冬天去就會好凍又沒有暖氣，所以要看看自己怎樣選擇啦😅
Chairwoman 